På besøk hjå Boliden Odda, Odda Technology, Odda Digital System og Næringshagen i Hardanger i Odda, saman med Jon Gunnes, stortingsrepresentant for Venstre og Eivind Tokheim, ordførarkandidat for Ullensvang Venstre. Imponerande verksemder kvar for seg, alle i vekst med spennande, ambisiøse planar. Og med Næringshagen som ein overbyggning og koordinator for eksisterande verksemder, i tillegg til å bistå gründerar, ligg alt til rette for ein nye æra for nye Ullensvang kommune og Hardangerbyen Odda. Hjarteleg takk til alle for svært nyttige og inspirerande føredrag og omvisingar. #grønnturné

Takk til Blom Fiskeoppdrett As for prima service, flott tur og informasjon på visningssenteret deira i Øygarden. Takk og til ordførar Børge Haugetun og Øygarden Venstre for flott opplegg og guiding.

Flott og lærerik dag i Øygarden. #grønnturne

I dag har Trine Skei Grande på vegne av regjeringa signert ny byvekstavtale med Trondheim. Viktig tiltak for mindre kø, betre luft og mindre klimagassutslepp.

På vegne av Venstre og regjeringa hadde eg gleda av å opna Ekstremsportveko 2019, og overrekkja ein sjekk på kr 1 mill. Terje Breivik Band framførte og "tingingsverket" Vektløs og Fri. Ein eigen rockelåt til og om Veko. Veko har laga ein spektakuler musikkvideo til låten. Del gjerne vidare!

På frukostmøte på Litteraturhuset i Oslo, i regi av Høgskolesenteret i Kongsvinger. Tema: Presentasjon av drøfting av rapport som underbyggjer behovet for det nye studiet i berekraftsøkonomi dei planlegg å starta opp for fullt hausten 2020. Kjempespennande! For Venstre, som står for løysingar der klimapolitikk og næringspolitikk er to sider av same sak, og som kjempar for klassisk miljøvern og biologisk mangfald, er det lett å heia på initiativet.

Ein utruleg fin og dyktig listetoppgjeng i Åsnes Venstre, med klare ambisjonar for kommunen og heimbygda: Gode oppvekstvilkår for barn og unge, og ei sytsematisk satsing på innovasjon, nyskaping og arbeidsplassar. Takk for inspirasjon og pågangsmot!

Alltid like kjekt å møta Akvariet i Bergen. Ekstra kjekt var det å få ei innføring i planane dei har for «Nye Akvariet». Utruleg spennande og visjonært.

På besøk hjå BIR Bedrift AS og Waste IQ saman med fylkesordførarkandidaten til Vestland Venstre, Gunhild Berge Stang. To verksemder som saman er i front på å gjera avfall til ein ressurs i ein sirkulær økonomi. Kjempespennande og imponerande. Dei kan verkeleg sitt fag, og har klare planar og visjonar for grønt skifte og veks. #grønnturne

Alltid kjekt og inspirerande å besøkja VIS - tidl. Bergen Teknologioverføring. Flinke folke som gjer ein uvurderleg jobb for innovasjon og nyskaping.

Med Venstre som pådrivar er sjukepengeordninga og vilkåra for sjølvstendig næringsdrivande igjen betra: https://www.venstre.no/artikkel/2019/05/11/gjennomslag-betre-sjukepengeordning-for-sjolvstendig-naeringsdrivande/

Valkampsamling for Vestland Venstre. Ungdoms- og 3. kandidaten på fylkestingslista, Agnes Hoshovde Bernes innleiar om suksessfaktorane som sikra Vestland Unge Venstre rekordgode skulevalsresultat i 2017. Inspirerande og lærerikt!

I går kveld hadde eg gleda av å opna og nyta utstillinga Krefter på Kode Art Museum, Bergen. Her vert tre av dei fremste kunsthandverkskunstarane me har; Kari Dyrdal, Torbjørn Kvasbø og Marit Tingleff for første gong presenterte samla. Tre kunstnarar som har markert seg sterkt både her heima og i utlandet gjennom fleire tiår. Hjarteleg takk til KODE og samarbeidspartnarane deira som har gjort dette mogeleg. No vonar eg verkeleg publikum kjenner si besøkstid og nyttar høvet til få med seg utstillinga.

I dag har eg vore på besøk i Østerdalen, der dei lokale kommunestyrekandidatane til Venstre hadde komponert eit spennande og lærerikt program. Første stopp var på eigendomen til Synnøve Finden på Tolga, der me fekk høyra om planane deira om eit nytt produksjonsanlegg der. I tillegg fekk me ei innføring i industrieventyret Staur Foods Tolga, leigetakarar i det same bygget. Turen gjekk vidare til Alvdal og omvising i den nye barneskulen og »fleirbrukshuset», Sjulhustunet Alvdal, med både idrettshall, kulturskule og treningstudio samla i eitt bygg. Eit imponerande og nesten misunnelsesverdig løft for ein liten kommune. Siste stopp var på det...

Etter utnemninga av Sylvi Listhaug som eldreminister har me fått ein god del skeptiske reaksjonar. Venstre hadde ein omfattande og krevande prosess i førekant av regjeringsdeltakinga i fjor. Å gå i regjering med Frp, eit parti sosilalliberale Venstre verdimessig tildels står langt i frå, var vanskeleg for mange. Tek me med klima og miljø, forstår dei fleste at konklusjonen om å gå i regjering ikkje var lett for nokon. Eit regjeringssamarbeid kunne likevel forsvarast fordi dei konkrete resultata me har oppnådd saman med Frp, H og Krf dei siste 4 - 5 åra, og i regjeringsplattformane, har vore veldig bra....

På besøk hjå Tynset Venstre. Starta dagen med lett jogg og gode samtalar saman med 1. og 3. kandidatane på kommunevallista, Tor Halvor Bjørnstad-Tuveng og Nils P. Hagen. Her står karane på Tynsetåsan.

Venstre vil bli kvitt plasten me ikkje treng. Derfor legg regjeringa i dag fram eit forbod mot eingangsplast. Takk til Jernia og næringslivet som også gjer sitt for å fjerna plast og unødig emballasje.

På besøk i PARK Hamar, ein yngleplass for grunderar, etablerte verksemder og studentar. Og ikkje minst husar dei eit eige Motion Capture - studio, INN MoCap (det grøne rommet), der ein kan fanga opp rørsler og omforma dei til spesialeffektar i dataspel, film og VR. Saman med Hamar Venstre fekk eg ei omvisning i det imponerande klyngefelleskapet. I tillegg fekk me ei grundig innføring i historien og vegen fram frå ide til verksemder som skapar verdiar og etablerar trygge arbeidsplassar av Hvil Vingene Dagspa og OSINT Analytics. Svært inspirerande og ei stadfesting av kor viktig det er at næringspartiet Venstre...

I går hadde stortingsgruppa til Venstre innspelsmøte til statsbudsjettet 2020 på næringspolitikk. 18 verksemder; gründerar, seriegründerar, veletablerte, teknologiverksemder, restaurant, hotell og daglegvare var tilstades og kom med konkrete, klare innspel. For meg og næringspolitisk talsmann i V, André N. Skjelstad, var det eit svært lærerikt og nyttig møte. »Oppdraget» me fekk var mellom anna å forbetre aksjeopsjonsordninga for nyetablerte verksemder, å gjera det lettare å orientera seg i jungelen av ulike tiltak/rapporteringskrav retta mot næringslivet, å ta større omsyn til innovasjon i offentlege anbod, å utvida skatteincintamenstordninga KapitalFunn, og sikra at folkefinansisering vert eit reelt og slagkraftig alternativ som kapitalkjelde...

I helga er det valkampakademi for Troms og Finnmark Venstre og Nordland Venstre i Narvik. No talar partileiar Trine Skei Grande til ei stor forsamling av entusiastiske Venstre - folk som gler seg til valkampen til hausten. Lokale tillitsvalde og folkevalde som frontar lokale saker forankra i sosialliberale verdiar; toleranse, mangfald, fellesskap og fridom, og ukulueg tru på at betre alltid er mogeleg.