Person / Aktør:
Kommunal- og distriktsdepartementet
Innlegg:
Denne veka har kommunal- og distriktsminister Sigbjørn Gjelsvik leidd den norske delegasjonen til FN-konferansen Internet Governance Forum i Kyoto. \n\nNoreg er aktiv i arbeidet med internettforvaltning og samarbeider tett med andre statar. Målet er at internett framleis skal vere ein open og fri arena der ein kvar fritt kan gi og få informasjon, og der grunnleggjande menneskerettar blir beskytta. \n\n– Vi må unngå at statleg regulering av internett bremser utvikling, innovasjon og kommunikasjon, eller misbrukast til sensur eller propaganda. I ei tid der ein gjerne ser at land ynskjer å avgrense fridom på internett, er det i stadig større grad behov for at dei liberale demokratia er til stades og bidreg inn i det viktige arbeidet i internasjonale fora der internettforvaltninga blir diskutert og forhandla, seier statsråd Gjelsvik.\n\nStatsråden heldt innlegg om Noregs kandidatur til Internet Governance Forum i 2025, og hadde bilaterale møte med mellom anna visegeneralsekretær i FNs Department of Economic and Social Affairs (DESA), Li Junhua, Japans minister for Digital Transformation, Taro Kono, Storbritannias minister for Data and Digital Infrastructure, John Whittingdale.
Postet:
2023-10-10 15:05:45
Delt innhold:
Photos from Kommunal- og distriktsdepartementet's post