Her er nokre av dei viktigaste postane på statsbudsjettet innan helse: \n\n🏥 Sjukehus: \n➔ 2,2 milliardar kroner meir til sjukehusa. Med dette budsjettforslaget legg regjeringa til rette for at ventetidene kan bli reduserte i 2024, og sjukehusa vil få i oppdrag å få ned ventetidene.\n\n❤ Psykisk helse: \n➔ 150 millionar kroner meir til kommunane sitt arbeid med psykisk helse og rus. Slik kan kommunane lage gode lågterskeltilbod, som passer inn i akkurat din kommune. \n\n➔ 100 millionar kroner til tiltak som skal bidra med blant anna tilgjengeleg hjelp for barn og unge. \n\n➔ 110 millionar kroner av satsinga på sjukehusa skal gå til å styrke døgntilbodet i psykisk helsevern, med særleg vekt på barn og unge og dei med alvorlege lidingar. \n\n🧔🏽 Eldreomsorg: \n➔ 3 milliardar i investeringstilskot til om lag 1500 heildøgns omsorgsplassar. Slik kan kommunane både fornye og auke tilbodet av sjukeheimar og omsorgsbustadar for personar med behov for heildøgns helse- og omsorgstenester. \n\n👩🏽‍💻 Digital satsing: \n➔ 26 millionar kroner til utprøving av eit digitalt helsekort for gravide. Viss utprøvinga er vellykka, vil dette kunne erstatte dagens papirhelsekort og gjere kvardagen enklare for gravide. \n\n👩🏻‍⚕️ LIS1-stillingar: \n➔ 33,3 millionar kroner til stillingar for legar i den første delen av legespesialiseringa. Det gir 66 nye stillingar. \n\nLenker til pressemeldingane i kommentarfeltet👇🏽\n\n📷 Colourbox

2023-10-06 09:02:59

Orginalt innlegg på Facebook

Photos from Helse- og omsorgsdepartementet (Norge)'s post