Det står at eg pådreg meg all verdas vrede i overskrifta. Eg pådreg meg også all verdas støtte, det må seiast. Det store fleirtalet ønskjer å kombinere toleranse med fakta i spørsmålet om kjønn. \n\nI artikkelen om eventuelt å innføre eit tredje juridisk kjønn, seier eg:\n\n"Det handler om at vi er enten mann eller kvinne biologisk sett, men selvsagt kan folk føle seg som det motsatte kjønn eller som et verken- eller. Innfører vi et tredje juridisk kjønn, får du en kategori som viser noe du ikke egentlig er, men som sier noe om hva du føler deg som."\n\nDet er viktig at biologisk kjønn, som er det grunnleggande, ikkje kjem vekk frå offentlege register, id-papir og statistikkar (om til dømes helse og kriminalitet). Så eg luftar tanken om å ha ein tilleggskategori som seier noko om kjønnsoppfatning dersom dette absolutt skal synleggjerast offentleg. \n\nEg er positiv til tiltak som kan hjelpe sårbare grupper, men tiltaka må vera fornuftige. Å skjule viktige fysiske kjensgjerningar, som kva kjønn vi har, er ikkje fornuftig.

2023-06-23 11:58:07

Orginalt innlegg på Facebook

Jenny Klinge (Sp) kritisk til ny kjønnsrapport: – Pådrar meg all verdens vrede nå

– Skal ikke være så ekstremt opptatt av hva man tror dette vil føre til, mener en av partifellene til Klinge.