Nokre fotoglimt frå ei travel, og mildt sagt variert veke:\n\nMåndag: Besøk til Hofseth International (Hofseth Aqua) i Valldal og Tafjord på Sunnmøre: Landets største foredlar av laks og ørret – lokalt eigd og med over 500 arbeidsplassar på Nordvestlandet – og med ekstremt høge ambisjonar for å flytte havbruksbransjen i retning nullutslepp, null rømming og berekraft i alle ledd. Ei mildt sagt imponerande bedrift – takk til Annika Brandal og Pål Farstad i Møre og Romsdal Venstre for turen!\n\nTysdag: Maritim dag i Bergen med Bergen Rederiforening og «Vestlandsbenken» på Stortinget: Bedriftsbesøk til Bergen Engines på Hordvikneset, FRAMO på Askøy og møte med mange andre spennande bedrifter i landets største og mest komplette maritime næringsklynge.\n\nOnsdag: Kvinnedags-markering med apell til Samfunnsbedriftene og Norges Kommunaltekniske forening – og spørsmål i spørjetimen på Stortinget om kutt i kapasitet på tilbod til pasientar som slit med psykisk helse og rus etter at ordninga med Fritt Behandlingsval no er avslutta.\n\nTorsdag: Frukostmøte om Biogass: Ei av dei energikjeldene som verkeleg kan bidra så det monnar til å skaffe meir rein energi i Noreg framover – løyse miljøproblem og skape meirinntekter til landbruk og havbruk – og som vi MÅ få til ei sterkare politisk satsing på. Leverte også inn tre representantforslag i Stortinget på vegne av Venstre – om alt frå natur i kommunane til betre lokal ruspolitikk.\n\nFredag: Møte med Bipolarforeningen Norge om manglande satsing på psykisk helse – korleis kan vi «knekke nøtta» som sikrar at vi går frå ord til handling i å seie at vi skal inn med sterkare og tidlegare innsats fråd ei som slit med bipolar liding og andre psykiske sjukdommar – og med det både redde liv og gi betre liv til titusenvis av menneske som slit.\n\nOg innimellom masse anna, arbeid opp mot media om TikTok på Hamar, sal av norske industriprodukt til Russland, fjerning av statlege arbeidsplassar frå Vestlandet og mykje anna.\n\nNo klart for fylkesårsmøte i Vestland Venstre i Bergen. Riktig god helg til alle!

2023-03-10 16:22:39

Orginalt innlegg på Facebook

Photos from Stortingsrepresentant Alfred Bjørlo - Venstre's post