"Venstre trur på landbruket. Vi trur på ei grøn, klimavenleg framtid – og vi trur på endringas kraft." \n\nHer kan du lese mitt innlegg i dagens debatt om Jordbruksoppgjeret 2022 på Stortinget. \n\n---\nInnlegg i Stortingsdebatten om Jordbruksoppgjeret 2022 – Alfred Bjørlo (Venstre)\n\nPresident, dei neste åra skal Noreg, Europa og verda gjennom enorme endringar. Krigen i Ukraina har ført oss i ei ny tryggleikspolitisk tid. Forsvarspolitikk, energipolitikk, matpolitikk og beredskapspolitikk er smelta saman. \n\nSamtidig skal vi løyse ei overhengande klima- og naturkrise. Klimautsleppa MÅ ned – raskt, i alle land og på alle område. Og vi må setje bremsene på når det gjeld å «ta for oss» av naturen og naturressursane – også i Noreg. \n\nPresident, dette landbruksoppgjeret er ekstraordinært. Det handlar om å gjere eit historisk løft i ramma for landbruksoppgjeret – for å hjelpe norske bønder gjennom ei akutt og alvorleg krise med galopperande kostnader på alle kantar. Venstre meiner det er rett og nødvendig. \n\nMen årets landbruksoppgjer – og denne debatten – må også handle om noko mykje meir. Det må handle om framtidas landbruk – som må sjå heilt annleis ut enn i dag. Denne debatten må handle om kva politiske grep, kursendringar og styringssignal vi kan gjere NO for å skape det grøne, berekraftige framtidslandbruket – tilpassa ei ny tid med tøffare klimakrav, meir forsiktig bruk av knappe naturressursar, høgare krav til dyrevelferd og kostholdet si betyding for folkehelsa – og samtidig skape ein betre arbeidskvardag, sunnare økonomi, meir mangfald og ny optimisme på gardsbruk over heile landet.\n\nVenstre trur det er mulig. Vi trur på norsk landbruk som ei av dei store, grøne framtidsnæringane. Eit landbruk der klimautsleppa går ned, ikkje opp som klimautsleppa frå norsk landbruk gjorde i 2021 – medan andre deler av samfunnet er komne godt i gang med klimakutt. Eit landbruk som produserer meir av det framtidas forbrukarar vil ha meir av, og mindre av det dei vil ha mindre av.\n\nMulighetane finst. Kunnskapen og kompetansen finst. Forbrukarane sin vilje til å betale for trygg, rein, sunn og klimavenleg mat finst. Dei internasjonale trendane finst. Sjå berre EU sin «Farm to fork»-strategi. \n\nMen vi konstaterer at kampen for ein slik snuoperasjon i landbruks- og matpolitikken blir seig. Og dei tyngste motkreftene til endring, er dei partia som no sit i regjering. Dei som ikkje vil noko som helst anna enn at alt skal vere som i dag. \n\nPresident, Venstre vil ikkje drive politisk spel om eit framforhandla landbruksoppgjer. Vi vil ikkje halde norske bønder vakne om natta i frykt for at Stortinget i ein lukka komite-prosess set landbruksoppgjeret som institutt i spel. \n\nFrå Venstre si side har vi i staden for å foreslå endringar «over bordet» i årets framforhandla landbruksoppgjer, valt å gi klare og tydelege signal om kva kursendring som må til i framtidige landbruksoppgjer og framtidas norske landbruks- og matpolitikk. \nEg er svært glad for at ein samla opposisjon – og dermed eit fleirtal i denne sal – sluttar seg til Venstres ønskje om ei slik kursendring. \n\nDet er gledeleg – og historisk. Som fleirtalet i komiteen seier, på klingande nynorsk: «Det er eit stort potensiale for å auke norsk sjølvforsyning gjennom vriding av produksjonen i landbruket over mot meir grønt og korn, sam å stimulere til auka bruk av beite- og utmarksressursar og andre verkemiddel for å kutte i bruk av soya og andre utanlandske forråvarer med høge klimaavtrykk. Fleirtalet forventar at ei slik kursendring blir tydeleg signalisert, slik at norsk landbruk allereie no kan starte nødvendig omlegging.»\n\nEi slik kursendring blir no altså peika ut av ein samla opposisjon – MOT viljen til dagens regjeringsparti Ap og Sp. \n\nJa, når vi snakkar om kva Ap og Sp er mot: Det er faktisk ikkje EITT EINASTE PUNKT der Venstre (eller andre parti) har foreslått å gi signal om nødvendige endringar av landbrukspolitikken, kor Ap og Sp så mykje som ein millimeter kjem oss i møte. \n\nIkkje om å auke ambisjonane på økologisk matproduksjon. Ikkje om betre dyrevelferd. Ikkje om å styrke satsinga på beite- og utmarksressursar. Ikkje om å gjere det meir lønsamt å produsere frukt og grønt. Ikkje om å auke satsinga på FoU, innovasjon og teknologi i norsk landbruk. \n\nOg endå meir oppsiktsvekkande og skuffande – Ap og Sp seier også nei til Venstres forslag om ei ny stortingsmelding om landbruks- og matsystem, der vi kan sjå folkehelse, klima og natur, landbruks- og matpolitikk i samanheng. \n\nAp og Sp vil ikkje ha nokon ny kurs for norsk landbruk. Dei vil ikkje ha eit nytt kunnskapsgrunnlag. Dei vil ikkje ha endringar no, ikkje neste år, og ikkje om fem eller ti år. Ap og Sp vil ha «business as usual» for norsk landbruk - inn i ei framtid der alt endrar seg.\nPresident, det er oppsiktsvekkande. Det er skuffande. Og det er endå eit prov på at vi har ei regjering som vender blikket bakover – ikkje ser framover. \n\nVenstre trur på landbruket. Vi trur på ei grøn, klimavenleg framtid – og vi trur på endringas kraft. \n\nEg og Venstre inviterer med dette alle gode krefter i det politiske miljøet, i landbruket, i norske kunnskapsmiljø på natur, mat, folkehelse og klima til å vere med på å forme framtidas landbrukspolitikk. Den stokk konservative regjeringa som sit no, kjem ikkje til å gjere det. Då må vi andre ta ansvar. Fordi norsk landbruk fortener det.

2022-06-15 16:20:45

Orginalt innlegg på Facebook

"Venstre trur på landbruket. Vi trur på ei grøn, klimavenleg framtid – og vi trur på endringas kraft." \n\nHer kan du lese mitt innlegg i dagens debatt om Jordbruksoppgjeret 2022 på Stortinget. \n\n---\nInnlegg i Stortingsdebatten om Jordbruksoppgjeret 2022 – Alfred Bjørlo (Venstre)\n\nPresident, dei neste åra skal Noreg, Europa og verda gjennom enorme endringar. Krigen i Ukraina har ført oss i ei ny tryggleikspolitisk tid. Forsvarspolitikk, energipolitikk, matpolitikk og beredskapspolitikk er smelta saman. \n\nSamtidig skal vi løyse ei overhengande klima- og naturkrise. Klimautsleppa MÅ ned – raskt, i alle land og på alle område. Og vi må setje bremsene på når det gjeld å «ta for oss» av naturen og naturressursane – også i Noreg. \n\nPresident, dette landbruksoppgjeret er ekstraordinært. Det handlar om å gjere eit historisk løft i ramma for landbruksoppgjeret – for å hjelpe norske bønder gjennom ei akutt og alvorleg krise med galopperande kostnader på alle kantar. Venstre meiner det er rett og nødvendig. \n\nMen årets landbruksoppgjer – og denne debatten – må også handle om noko mykje meir. Det må handle om framtidas landbruk – som må sjå heilt annleis ut enn i dag. Denne debatten må handle om kva politiske grep, kursendringar og styringssignal vi kan gjere NO for å skape det grøne, berekraftige framtidslandbruket – tilpassa ei ny tid med tøffare klimakrav, meir forsiktig bruk av knappe naturressursar, høgare krav til dyrevelferd og kostholdet si betyding for folkehelsa – og samtidig skape ein betre arbeidskvardag, sunnare økonomi, meir mangfald og ny optimisme på gardsbruk over heile landet.\n\nVenstre trur det er mulig. Vi trur på norsk landbruk som ei av dei store, grøne framtidsnæringane. Eit landbruk der klimautsleppa går ned, ikkje opp som klimautsleppa frå norsk landbruk gjorde i 2021 – medan andre deler av samfunnet er komne godt i gang med klimakutt. Eit landbruk som produserer meir av det framtidas forbrukarar vil ha meir av, og mindre av det dei vil ha mindre av.\n\nMulighetane finst. Kunnskapen og kompetansen finst. Forbrukarane sin vilje til å betale for trygg, rein, sunn og klimavenleg mat finst. Dei internasjonale trendane finst. Sjå berre EU sin «Farm to fork»-strategi. \n\nMen vi konstaterer at kampen for ein slik snuoperasjon i landbruks- og matpolitikken blir seig. Og dei tyngste motkreftene til endring, er dei partia som no sit i regjering. Dei som ikkje vil noko som helst anna enn at alt skal vere som i dag. \n\nPresident, Venstre vil ikkje drive politisk spel om eit framforhandla landbruksoppgjer. Vi vil ikkje halde norske bønder vakne om natta i frykt for at Stortinget i ein lukka komite-prosess set landbruksoppgjeret som institutt i spel. \n\nFrå Venstre si side har vi i staden for å foreslå endringar «over bordet» i årets framforhandla landbruksoppgjer, valt å gi klare og tydelege signal om kva kursendring som må til i framtidige landbruksoppgjer og framtidas norske landbruks- og matpolitikk. \nEg er svært glad for at ein samla opposisjon – og dermed eit fleirtal i denne sal – sluttar seg til Venstres ønskje om ei slik kursendring. \n\nDet er gledeleg – og historisk. Som fleirtalet i komiteen seier, på klingande nynorsk: «Det er eit stort potensiale for å auke norsk sjølvforsyning gjennom vriding av produksjonen i landbruket over mot meir grønt og korn, sam å stimulere til auka bruk av beite- og utmarksressursar og andre verkemiddel for å kutte i bruk av soya og andre utanlandske forråvarer med høge klimaavtrykk. Fleirtalet forventar at ei slik kursendring blir tydeleg signalisert, slik at norsk landbruk allereie no kan starte nødvendig omlegging.»\n\nEi slik kursendring blir no altså peika ut av ein samla opposisjon – MOT viljen til dagens regjeringsparti Ap og Sp. \n\nJa, når vi snakkar om kva Ap og Sp er mot: Det er faktisk ikkje EITT EINASTE PUNKT der Venstre (eller andre parti) har foreslått å gi signal om nødvendige endringar av landbrukspolitikken, kor Ap og Sp så mykje som ein millimeter kjem oss i møte. \n\nIkkje om å auke ambisjonane på økologisk matproduksjon. Ikkje om betre dyrevelferd. Ikkje om å styrke satsinga på beite- og utmarksressursar. Ikkje om å gjere det meir lønsamt å produsere frukt og grønt. Ikkje om å auke satsinga på FoU, innovasjon og teknologi i norsk landbruk. \n\nOg endå meir oppsiktsvekkande og skuffande – Ap og Sp seier også nei til Venstres forslag om ei ny stortingsmelding om landbruks- og matsystem, der vi kan sjå folkehelse, klima og natur, landbruks- og matpolitikk i samanheng. \n\nAp og Sp vil ikkje ha nokon ny kurs for norsk landbruk. Dei vil ikkje ha eit nytt kunnskapsgrunnlag. Dei vil ikkje ha endringar no, ikkje neste år, og ikkje om fem eller ti år. Ap og Sp vil ha «business as usual» for norsk landbruk - inn i ei framtid der alt endrar seg.\nPresident, det er oppsiktsvekkande. Det er skuffande. Og det er endå eit prov på at vi har ei regjering som vender blikket bakover – ikkje ser framover. \n\nVenstre trur på landbruket. Vi trur på ei grøn, klimavenleg framtid – og vi trur på endringas kraft. \n\nEg og Venstre inviterer med dette alle gode krefter i det politiske miljøet, i landbruket, i norske kunnskapsmiljø på natur, mat, folkehelse og klima til å vere med på å forme framtidas landbrukspolitikk. Den stokk konservative regjeringa som sit no, kjem ikkje til å gjere det. Då må vi andre ta ansvar. Fordi norsk landbruk fortener det.