Oslo-Hallingdal-Aurland-Voss-Hemsedal-Førde/Sunnfjord-Askvoll: Slik var reiseruta for Venstre-leiar Guri Melby og meg denne veka, for å møte små og store jobbskaparar i det mangfaldige næringslivet folk lever av rundt om i Noreg og besøke lokale Venstre-lag.\n\nVi har møtt gründerar i Hallingdal som bygger fellesskap på tvers av kommunegrenser, vore ute på Førdefjorden med fiskarar og havbrukarar som er uroa for ureining av fjorden med gruveavfall, besøkt og snakka med bønder og andre med tilknyting til landbruket i ei kritisk tid (alle vi har møtt er tydelege på at vi i tillegg til sterkare satsing treng ei ny retning i landbrukspolitikken meir bygd på bruk av lokale ressursar og mindre bruk av soya og kunstgjødsel).\n\nVi har besøkt bryggeri og teknologigründerar på Voss, vore på Startup Extreme: Noregs råaste møteplass for Startup Norway i Hemsedal (skalerbare, teknologiske oppstartsbedrifter, investorar og andre i Startup-miljøet – 600 entusiastiske unge næringslivsfolk samla på Hemsedal i to intense døgn og ingen andre nasjonale politikarar enn Venstre på plass), besøkt PEAK Sunnfjord som har klart å bygge eit fabelaktig, lynraskt veksande fellesskap for nye teknologibedrifter i hjartet av Sunnfjord (..og ikkje forstår bæret av kvifor staten er så treige med å legge til rette for remote work og utflytting av arbeidsplassar når heile næringslivet no gjer dette for full maskin..).\n\nOg ikkje minst møtt mange av våre dyktige, «seige» og hardtarbeidande Venstre-folk rundt om i distrikts-Noreg (Ål Venstre, Gol, Hemsedal Venstre, Aurland Venstre, Sogndal Venstre, Voss Venstre, Sunnfjord Venstre og Askvoll Venstre).\n\nDet er mangfaldet av alle dei små og store verdiskaparane som bygger Noreg – dei folka skal vi heie på!

2022-04-30 11:12:56

Orginalt innlegg på Facebook

Bilete frå innlegget til Stortingsrepresentant Alfred Bjørlo - Venstre