Norge kan få 210 000 nye arbeidsplassar i 10 eksportretta muligheitsnæringer, innan 2030. Dette i følge McKinsey-rapporten «Norge i morgen», som kom ut for kort tid sidan. Men skal vi greie å utvikle framtidas næringar, treng vi òg framtidas kompetanse.\n\nI dag tok stortingsrepresentant Tore Vamraak (H) dette opp som tema i Stortinget. I innlegget mitt snakka om kor viktig Høgskulen på Vestlandet, her medrekna campusane i Sogndal og Førde, er for høgare utdanninga i regionen vår. \n\nEg nemnde òg at HVL utdannar 400 ingeniørar kvart år, og er dermed den største utdanningsinstitusjonen for ingeniørfaga etter NTNU.\n\nSå kunne eg også opplyse Stortinget om at HVL kjem til å ta «Universitetet på Vestlandet» som namn når dei blir universitet i 2023/24.\n\nHer er innlegget mitt:\n\nPresident!\nI 2014 kom strukturreforma i høgskule- og universitetssektoren. Målet var å få færre og sterkare institusjonar for å styrke kvalitet i høgare utdanning og forsking.\n\nPå Vestlandet kom ideen opp om å samle høgskulane i ein stor vestlandshøgskule, og i januar 2017 slo høgskulane i Haugesund, Stord, Bergen, Førde og Sogndal seg saman til den nye Høgskulen på Vestlandet. \n\nHVL har blitt ein stort suksess for nærings- og samfunnslivet på Vestlandet. Den er tett på arbeidslivet og kan tilby relevante og oppdaterte utdanningar på nokre av dei viktigaste profesjonane våre innan sektorane opplæring, ingeniørfag og helse- og sosial.\n\nHVL utdannar til dømes kvart år heile 400 ingeniørar, og er dermed den største utdanningsinstitusjonen for ingenørfaga etter NTNU.\n\nOg det stoppar ikkje der. HVL arbeider nå med å bli eit profesjons- og arbeidslivsretta universitet, bygt på dei fem campusane dei har på Vestlandet.\n\nPresident!\nI McKinsey sin rapport som kom ut for kort tid sidan blir det peika på sju endringar som må til for at vi fram til 2030 skal lykkast med å skape over 200 000 nye arbeidsplassar i 10 eksportretta muligheitsnæringar. Ei av desse endringane er Kunnskap og kompetanse. For som det blir sagt: Når vi skal utvikle fremtidens næringer, trenger vi også fremtidens kompetanse.\n\nPresident!\nI dette bildet vil ein høgskule – eller universitet – bygt på profesjons- og arbeidslivsretta utdanningar med høg kvalitet vere svært viktige. Og alt dette, president, kjem òg med ein stor tilleggsfordel. \n\nFor gjennom sin desentraliserte og praksisnære modell, vil HVL - eller «Universitetet på Vestlandet» som dei kjem til å ta som namn når dei blir universitet – og liknande utdaningsinstitusjonar andre stadart i landet, i stor grad òg medverke til god regional utvikling.\n \nIkkje berre fordi vil det gi det offentlege og næringslivet regionane god og relevant arbeidskraft, men òg fordi det vil vere positivt for folketalet og alder-samansetninga. For som Demografiutvalet har peika på, vil personar som vel å studere i same region som dei kjem frå, i stor grad velje å bli verande i regionen etter endt utdanning.\n\nPresident!\nFor Høgre har utdanning og kompetanse alltid vore eit viktig politisk tema. Det vil det bli i framtida òg. For skal vi utvikle framtida sine næringar, treng vi òg framtidas kompetanse.

2022-04-26 17:13:50

Orginalt innlegg på Facebook