Innlegg:
ETTER EIT FERDAMINNE
I morgon vil eg byrja på eit nytt og betre liv,
-trur eg.
Eg skal aldri feriera med mobil i sivil
-trur eg.
Eg skal aldri skråla fakenews i rødvinsrus,
men fortelja truverdige historiar om Persia og åndelege hus,
-trur eg.
Kvinnfolk med foretak i både fisk og export
skal eg sky som bare fan,
-trur eg.
Gå vyrdeleg forbi dei som ein staslig råd høvar
-trur eg.
Eg skal sitte som ein munk i ein misjonskone-ring,
og drikka berre kaffe medan drøset går om
lite sensitiva ting,
-trur eg.
Det skal ingen meir få sjå meg pussywipped på lysaste dag,
koma ruslande med flir og sanselege hvin,
-trur eg.
Eg skal legga meg når Erna går til kvile,
og stå opp når Store Ting kallar
i tidlig morgonsol,
-trur eg.
Ja, i morgon skal eg byrja på den gode veg
som sagt,
Taka striden upp mot kjønn, kvitlauk og den heile develsmakt,
-trur eg.
Men i dag lyt det få vera, for eg har
so spøkje lyst,
at eg må ha ei ferie og boltra meg på fyrst,
-trur eg.
Postet:
2018-08-06 08:54:36