Innlegg:
Politikarlivet er mangslungent og tidvis både friskt og vått. Her står eg og Ingrid Bjørke Nisamjan, Kvam Venstre framfor Ørredalsfossen i Øystesevassdraget med ei kanne vatn henta i elva nedanfor fossen.
Neste etappe er å frakta vatnet trygt til Løvebakken. Vatnet skal saksordførar i fredningssaka av Øystesevassdraget, Lars Haltbrekken, bruka til å koka festkaffe med same dag, dvs 12. mars, Stortinget samrøystes fredar vassdraget. Kaffen skal spanderast på Energi- og miljøkomiteen, klima- og miljøminister Ola Elvestuen og vonlegvis underteikna som kurér.
Å få høve til å bidra til feiringa av fredinga av eit vassdrag med så store visuelle, opplevings- og biologisk mangfaldsmessige naturverdiar (m.a er det funne eit titals raudlisteregistrerte mose- og lavartar her), er rein glede. Så takk for hyggeleg vasshentingsoppdrag Lars. No kviler ansvaret på deg; å koka kaffe som yter vatnet full respekt ;)
Postet:
2019-02-26 09:18:46